Plantun de Prouvènço

Pèr coumpara dos planto d'encò nostre

Vaccinium myrtillus & Artemisia campestris subsp. campestris

Amaurilhoun

Vaccinium myrtillus

Ericaceae

Àutri noum : Agies, Maurilho, Aniroun, Eìse, Brimbalié.

Noms en français : Myrtille, Airelle.

Descripcioun :
L'amaurié (aiges en Alouos 04) es uno pichoto planto bouissounouso que trachis sus li relarg safranous de mountagno. Fai de pichòti flour roujo en campano que se duerbon en meme tèms que li fueio. Se destrìo de l'aire-negre qu'a de fueio dentado e pas roundo.

Usanço :
Cadun counèis lou bon goust dis amaurilhoun que podon èstre manjado de d'ùni biais (coume en tarto, ço que se fai proun dins d'ùni relarg dis Aup). Es un fru qu'a proun de qualita : èi riche en vitamino (A pèr la visioun au calabrun), en fibro, en antióussidant... Ei vertuous contro li proublèmo de memòri, la fouiro e proun enca. La tisano de fueio èi diuretico. Pèr pas aganta l'ekinococoso, vau mies faire couire li brimbello.

Port : Aubret
Taio : 15 à 50 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Vaccinium
Famiho : Ericaceae

Ordre : Ericales

Coulour de la flour : Roujo
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : 0 à 2600 m
Aparado : Noun

Liò : Champino - Fourèst - Tourbièro
Estànci : Coulinen à Aupen
Couroulougi : Bourealo
Ref. sc. : Vaccinium myrtillus L., 1753

Fenouias

Artemisia campestris subsp. campestris

Asteraceae Compositae

Autre noum : Aussent.

Nom en français : Armoise champêtre.

Descripcioun :
Lou fenouias (subsp. artemisia) es un pichot aubret que trachis en mountagno dins li relarg secarous e roucaious, subretout is adré. Èi la souleto meno d'aussent que sènt rèn un cop enfroumina. Li jóuini fueio soun un pau pelouso. Se destrìo de la subsp. glutinosa que lis enflourejado soun pas jamai pegouso. Flouris tardié dins l'an.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Aubret
Taio : 20 à 100 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Artemisia
Famiho : Asteraceae
Famiho classico : Compositae

Ordre : Asterales

Coulour de la flour : Jauno
Petalo : >6
Ø (o loungour) enflourejado : 2 à 3 mm
Flourido : Estiéu

Sòu : Ca
Autour basso e auto : 400 à 1300 m
Aparado : Noun
Avoust à óutobre

Liò : Tepiero seco
Estànci : Subremediterran à Mountagnard
Couroulougi : Bourealo
Ref. sc. : Artemisia campestris subsp. campestris L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Vaccinium myrtillus & Artemisia campestris subsp. campestris

ges

Coumpara Amaurilhoun emé uno autro planto

Coumpara Fenouias emé uno autro planto